KA-menn jöfnuðu metin í úrslitaeinvíginu

KA-menn sigruðu lið Íslandsmeistara Hamars frá Hveragerði í gærkvöldi í KA-heimilinu þegar liðin mættust öðru sinni í einvíginu um Íslandsmeistaratitilinn í blaki karla.

Hvort lið hefur nú unnið einn leik og mætast næst í Hveragerði á sunnudaginn. Þrjá sigra þarf til að hampa Íslandsbikarnum.

Leikurinn í gær fór 3:2 og var æsispennandi.

• Úrslit hrinanna: 19:25 – 25:19 – 24:26 – 25:23 – 15:11

KA-maðurinn Miguel Mateo Castrillo var besti maður vallarins í gær. Hann fór hreinlega hamförum og gerði 43 stig.