Jóla hvað? Jólaköttur, Jóla-Lóla, Jólaglögg!

Hvaða menningarviðburðir eru í boði á svæðinu þessa vikuna? Akureyri.net skellir í samantekt í byrjun hverrar viku, þar sem lesendur geta séð hvað verður á seyði og penslað inn í dagatalið. Nú fer að draga nær jólum, en þriðji í aðventu er um helgina, og nóg af jólapeppi á dagskrá í vikunni!

Leiksýningar

• Jólaglögg – Glæný grínsýning um jólin og allt ruglið sem þeim fylgir, frá norðlenska atvinnuleikhópnum Umskiptingar. Sýnt í Samkomuhúsinu föstudaginn 12. des, laugardaginn 13. des og sunnudaginn 14. des. Allar sýningar kl. 20.00.
• Jóla-Lóla – Fjölskyldusýning Leikfélags Akureyrar. Sýnd í Samkomuhúsinu laugardag 13. desember og sunnudag 14. desember kl. 13 og 15.
• Jólakötturinn – Jólaævintýri í Freyvangsleikhúsinu. Sýnt laugardaginn 13. des kl. 13.00 og 15.30 & sunnudaginn 14. des kl. 13.00.

Listasýningar

• Leiðsögn um yfirlitssýningu á verkum Óla G. Jóhannsonar á Listasafninu - Sigríður Örvarsdóttir, safnstjóri, og Magnús Helgason, myndlistarmaður, segja gestum frá sýningunni og einstaka verkum. Laugardag, 13. desember kl. 15:00.
• Undir berum himni - Jóhannes Sveinsson Kjarval. Sýning á teikningum og skissum Jóhannesar Sveinssonar Kjarvals á Listasafninu á Akureyri. Sýningin stendur til 17. maí 2026.
• Viðbragð - Samsýning fimmtán íslenskra og erlendra listamanna á Listasafninu á Akureyri. Sýningin stendur til 8. febrúar 2026.
• Jólasýning Þúfu 46 - Samsýning listamanna í Þúfu 46, sem er til húsa í Gránufélagsgötu 46. Sýningin verður opin alla föstudaga til jóla kl. 16-18.
• Sólstöður - Guðrún Sigurðardóttir sýnir í Hofi. Sýningin stendur til 22. febrúar 2026.
• Himnastigi / Stairway to heaven – Barbara Long. Listasafnið á Akureyri. Sýningin stendur til 18. janúar 2026.
• Öguð óreiða – Bergþór Morthens. Listasafnið á Akureyri. Sýningin stendur til 18. janúar 2026.
• Femina Fabula – Sýndarveruleiki / Innsetningar. Sýningin stendur til 16. janúar 2026.
• Lífsins gangur – Óli G. Jóhannsson. Listasafnið á Akureyri. Sýningin stendur til 16. janúar 2026.
• DNA afa – Sigurd Ólason. Sýningin stendur til 16. janúar 2026.
• James Merry - Nodens, Sulis & Taranis – Listasafnið á Akureyri. Sýningin stendur til 8. febrúar 2026.
• Ýmir Grönvold - Milli fjalls og fjöru – Listasafnið á Akureyri. Sýningin stendur til 22. febrúar 2026.
• Margskonar 2 - Valin verk fyrir sköpun og fræðslu - Listasafnið. Sýningin stendur til 8. feb 2026.

Tónleikar

• Hátíðartónleikar Elínar Hall á LYST - Föstudagskvöld, 12. desember kl. 21:00. Aukatónleikar laugardagskvöld 13. desember kl 21:00.
• Vitringarnir 3, Eyþór Ingi, Jógvan Hansen og Friðrik Ómar - Grín, grúv og gæsahúð í Hamraborg í Hofi. Nokkrar sýningar í boði.
• Krissmass Spesjal - Hvanndalsbræður ásamt Magna Ásgeirs og Óskari Péturs á Græna hattinum, föstudags- og laugardagskvöldið 12. og 13. desember kl. 21:00
• Kósíkvöld á R5 Bar - Hafdís og Gaui flytja jólalög. Fimmtudagskvöldið 11. desember kl. 20.30.

Viðburðir

• Jólasveinar úr Dimmuborgum á Minjasafninu - Jólasýningar eru í Nonnahúsi, Minjasafninu og Iðnaðarsafninu. Ívar Helga spilar á Minjasafninu og jólasveinarnir mæta ef þeir hafa lært á klukku. Laugardagurinn 13. desember kl. 14:30 - 15:45.
• Jólatorgið opið á Ráðhústorgi
  • Dagskrá laugardaginn 13. des:
    
    Kl. 15.00-18.00: Söluaðilar með jólalegan varning í skreyttum jólahúsum.
    Kl. 16.00: Jólasveinarnir heimsækja Jólatorgið.
    Kl. 17.00: Tinna Óðins og Daníel Andri flytja jólalög
  •  
    Dagskrá sunnudaginn 14. desember:
    Kl. 15.00-18.00: Söluaðilar með jólalegan varning í skreyttum jólahúsum.
    Kl. 16.00: Jólasveinarnir heimsækja Jólatorgið.
    Kl. 16.30: Lúðrasveit Akureyrar spilar fyrir gesti
    Kl. 16.45: Jóla Lóla og Vettlingur heimsækja Jólatorgið og taka lagið.
    Kl. 17.00: Tinna Óðins og Daníel Andri flytja jólalög
• Yndishrúga - ljóðastund í Davíðshúsi – Í tilefni Lúsíudags verður ofið úr ljóðum og tónum í stofu Davíðshúss á ljóðastund með Steinunni Arnbjörgu Stefánsdóttur, sem nýverið gaf út ljóðabókina Yndishrúga. Laugardaginn 13. des kl. 17:00.
• Opið hús hjá Ferðafélagi Akureyrar - Nína Ólafsdóttir kynnir bók sína "Þú sem ert á jörðu". Miðvikudagskvöld, 10. desember kl 20.00.

Endilega hafðu samband á rakel@akureyri.net ef að þú vilt koma þínum viðburði á listann. Hann þarf að vera opinn öllum.