Heimalingar til loka ágúst í Dyngjunni

Útilistasýningin Heimalingar 26 var opnuð í Dyngjunni - listhúsi í Eyjafjarðarsveit um síðustu helgi. Sumarið 2020 bauð listakonan Guðrún Hadda Bjarnadóttir félögum úr Myndlistafélaginu á Akureyri að standa saman að útilistasýningu við Dyngjuna, fjölbreytt listaverk sem þoldu veður og vind íslensks sumars voru sýnd þar til í þrjá mánuði og leikurinn hefur verið endurtekinn árlega síðan; þetta er því sjöunda árið í röð sem sýningin er haldin. Nafnið er þannig til komið „að staðarhaldari fékk að láni 2 undurfagra heimalninga, sem tóku sig vel út á sýningarsvæðinu og glöddu sýningargesti,“ skv því sem segir í tilkynningu.

Listamennirnir sem sýna í ár eru þessir:

 

Sýningin hófst 30. maí og opið verður alla daga frá kl. 14.00 - 17.00 til 31. ágúst.

„Aðgangur ókeypis og allir velkomnir að njóta menningar í fagurri náttúru Eyjafjarðarsveitar. Dyngjan - listhús er 17 mínútna akstur á Eyjafjarðarbraut Vestri (vegur 871),“ segir í tilkynningu.