Grænu pokarnir komnir aftur í dreifingu

Dreifing á grænu maíspokunum, sem Akureyringar nota undir lífræna ruslið, stendur nú yfir. Pokarnir hafa verið ófáanlegir um skeið. 

Akureyrarbær skrifaði á heimasíðu sína þann 20. mars að maíspokarnir væru á þrotum hjá dreifingaraðila en að nýjum birgðum yrði dreyft um mánaðarmótin.  Nú virðast þessi mál loks vera komið í lag, því dreifing hófst nýlega á pokunum.

Í dag, 1. maí, voru t.d. sprækir Kiwanismenn úr Kaldbak, á hlaupum um bæinn að dreifa pokum, svo væntanlega verða fljótlega öll heimili á Akureyri komin með græna poka. Pokarnir eru hluti af sorpflokkunarkerfi bæjarins fyrir lífrænan úrgang og íbúar hafa fengið þá endurgjaldslaust.