Mannlíf
Gamla myndin: veistu hvar þetta er?
13.03.2026 kl. 06:00
Vikulega birtist gömul ljósmynd á akureyri.net í samstarfi við Minjasafnið á Akureyri. Þetta er 279. gamla myndin frá safninu sem birtist hér, þær vekja jafnan mikil viðbrögð og upplýsingar hafa borist um langflestar.
Veist þú, lesandi góður, hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri og ritstjórnar akureyri.net, á netföngin hg@minjasafnid.is og skapti@akureyri.net
- Myndin hér að neðan birtist fyrir viku og viðbrögðin létu ekki á sér standa. Myndin er tekin við bæinn Espihól í Eyjafjarðarsveit. Chevrolet bifreiðin til vinstri, A 128, þykir mjög merkileg. Bíllinn er árgerð 1928 og á því aðeins tvö ár í aldarafmælið! Hann var notaður í kvikmyndinni Landi og sonum sem Ágúst Guðmundsson leikstýrði og frumsýnd var árið 1980. Chevrolettinn er nú varðveittur á Samgönguminjasafninu á Ystafelli í Kaldakinn. Til hægri (A 1078) er Rússajeppi, eins og þessir sovésku GAZ 69 jeppar voru gjarnan kallaðir.
- Allar gömlu myndirnar frá Minjasafninu á Akureyri sem Akureyri.net hefur birt er hægt að skoða HÉR