Blöndulína ekki í jörð strax, opinn fundur í dag

Ljóst er að Blöndulína 3 verður ekki lögð í jörð strax innan bæjarmarka Akureyrar, eins og bæjaryfirvöld hafa lagt áherslu á alla tíð. Niðurstaðan er sú að hann verður loftlína en talið er mögulegt að leggja hann í jörðu eftir 15 ár.

Óháður sérfræðingur sem fenginn var til að fara yfir málið komst að sömu niðurstöðu og Landsnet; að ekki sé tæknilega mögulegt að sinni að leggja þennan margtumtalaða háspennustreng í jörðu strax og hann verður því loftlína alla leið milli Blöndustöðvar og Rangárvalla á Akureyri til að byrja með.

• Opinn upplýsingafundur verður haldinn í dag um Blöndulínu 3, stöðu verkefnisins og næstu skref. Bæjarbúar hafa sýnt málinu mikinn áhuga, allir eru velkomnir á fundinn sem haldinn verður í Ráðhúsinu og hefst klukkan 17:00.

Fjalla átti um málið á síðasta bæjarstjórnarfundi en það var tekið af dagskrá og ákveðið að halda upplýsingafund fyrir bæjarbúa. Þess í stað verður málið afgreitt á aukafundi bæjarstjórnar sem boðaður hefur verið á morgun.