Tónlist, myndlist, dans og uppistand

Hvaða viðburðir á sviði menningar og mannlífs eru í boði á svæðinu þessa vikuna? Akureyri.net skellir í samantekt í byrjun hverrar viku, þar sem lesendur geta séð hvað verður á seyði og penslað inn í dagatalið. Listinn verður uppfærður jafnóðum og fréttist af nýjum viðburðum.

Listasumar á Akureyri stendur nú sem hæst, með alls konar viðburðum um allan bæ fyrir fólk á öllum aldri. Ókeypis er á alla viðburði Listasumars.

Listasumar á Akureyri

• Alla viðburði Listasumars má finna á þessari síðu en hér að neðan er stiklað á stóru.
• Myndasögusmiðja fyrir 8-12 ára – Amtsbókasafninu, þriðjudaginn 30. júní kl. 13-14:30. Vinnustofa sérhæfð fyrir yngri teiknara sem eru að taka sín fyrstu skref í hinum spennandi heimi myndasögugerðar.
• Manga-smiðja fyrir 12-16 ára – Amtsbókasafninu, þriðjudaginn 30. júní kl. 16-17:30. Höfundurinn Atla Hrafney fer með krökkunum í töfraheima persónusköpunar og hvernig það hefur áhrif á hönnun manga.
• Söngvaskáld í Minjasafni – Minjasafnskirkjunni, þriðjudaginn 30. júní kl. 14 og Davíðshúsi föstudaginn 3. júlí kl. 14. Hákon Geir Snorrason flytur íslensk dægurlög. Hákon Geir er þrettán ára gamall og syngur og spilar á gítar. Á efnisskránni eru bæði frumsamin lög og textar auk þekktra og vinsælla laga eftir íslenska listamenn.
• Miðvikudjass á Majó – Majó, Hofi, miðvikudaginn 1. júlí kl. 16-17. Michael Weaver og Elías Dýrfjörð skipa djassdúettinn Gangverk. Michael leikur á tenórsaxófón en Elías á kontrabassa. Þeir félagarnir hafa spilað saman á bæði klassískum og rytmískum grundvelli en þetta er í fyrsta sinn sem þeir koma fram sem jassdúett. Þeir munu leika fjölbreytt lög í bæði latin og swing stíl.
• Húllað inn í hamingjuna – Þingvallastræti 8, föstudaginn 3. júlí kl. 17. Fjölmiðlakonan Snæfríður Ingadóttir fer yfir málin á 15 mínútum í kómísku uppistandi sem segir meira um hamingjuna en öll sjálfshjálparnámskeið sem þú hefur farið á.
• Uppistandið Á þetta að vera fyndið? – Vitanum, föstudaginn 3. júlí kl. 20. Hópur heimafólks tekur hljóðnemann og býður gestum upp á kvöld þar sem við hlæjum saman að lífinu, hversdagsleikanum, samböndum, samfélaginu og öllu því sem verður aðeins bærilegra þegar maður má gera grín að því.
• Styrktartónleikar í Sæborg – Sæborg, Hrísey, föstudaginn 3. júlí kl. 20:30. Heimir Árna verður með Bubba tribute-tónleika og ball til styrktar uppbyggingu Sæborgar.
• Margrét og Páll - söngljóð að sumri – Akureyrarkirkju, sunnudaginn 5. júlí kl. 17. Opnunartónleikar fertugasta afmælisárs Sumartónleika í Akureyrarkirkju. Margrét Árnadóttir sópran og Páll Barna Szabó píanóleikari flytja sönglög eftir Fanny Mendelssohn, Clöru Schumann, Josephine Lang og Jórunni Viðar, auk þess að frumflytja nýtt sönglag eftir Kristínu Þóru Haraldsdóttur.
• Yfir Mat – Start Stúdíó, Gránufélagsgötu 4, mánudaginn 6. júlí kl. 15-17. Listakonan Unnur Stella Níelsdóttir býður almenningi að taka þátt í skapandi vinnustofu. Yfir Mat er þátttökumiðað listaverkefni þar sem þátttakendur koma saman og mála hluti tengda mat, borðhaldi og samveru.

Tónleikar

• Inspector Spacetime – Leyni, Hafnarstræti, fimmtudag 2. júlí. kl. 21. „Frá því Inspector Spacetime steig fyrst fram á sjónarsviðið árið 2020 hefur sveitin verið stöðugur þátttakandi í íslensku tónlistarlífi. Með því að blanda saman dans­tónlist, poppi og raftónlist hafa þau skapað girnilega uppskrift sem fær fólk óhjákvæmilega til að hreyfa sig,“ segir í kynningu.
• Hundur í óskilum – Græna hattinum, fimmtudag 2. júlí kl. 21. „Hundur í óskilum á Græna hattinum - aukinn og endurbættur. Flytur frumsamdar romsur í bland við afbakaðar ábreiður,“ segir í kynningu.
• Stjórnin – Græna hattinum, föstudag 3. júlí kl. 21. Stjórnin með Siggu Beinteins og Grétar Örvars í broddi fylkingar flytur öll sín vinsælustu lög gegnum tíðina eins og þeim er einum lagið.
• Stjórnin – Græna hattinum, laugardag 4. júlí kl. 21. Stjórnarliðum dugar ekki eitt kvöld, því sveitin mætir aftur á laugardagskvöldið og heldur uppi stuðinu.
• Mannfólkið breytist í slím – Slímstöðinni, Laufásgötu 1, laugardag 4. júlí kl. 20. „Mannfólkið breytist í slím 2026 er innan seilingar. Þriðju og síðustu upphitunartónleikar umbreytingarinnar fara fram í höfuðstöðvum MBS, Slímstöðinni 4. júlí!“ segir í kynningu.

Viðburðir

• Styrktarsýning TEAM DSA – Íþróttahöllinni, þriðjudaginn 30. júní kl. 18. „Keppnislið DSA fer til Dublin í sumar á Dance World Cup. Liðið keppir með 12 atriði og munum við sýna þau öll,“ segir í kynningu.

Listsýningar

• Samsýning með sjálfri mér nr. 2 - Jonna – Sýningaropnun í Deiglunni föstudaginn 3. júlí kl. 14. Jonna (Jónborg Sigurðardóttir) opnar sýningu í tilefni sextugsafmælis síns. „Á sýningunni eru fjölmörg verk unnin úr textil og uppnýtingarefnum þar sem viðfangsefnin eru mörg og margvísleg frá hinum og þessum sýningum mínum en það sem þau eiga sameiginlegt er að öll eru unnin úr afgöngum mínum og annarra,“ segir í kynningu. Sýningin er opin föstudag, laugardag og sunnudag kl. 14-17 en í lok hvers dags verður dansað við dúndrandi tónlist í frá kl. 17-17.30.
• Hédna – Menningarhúsinu Hofi. Sýning sextíu og eins félaga í Myndlistarfélaginu á Akureyri. Viðfangsefnin fjölbreytt þar sem tekist er á við tilveru í flóknum heimi með aðferðum myndlistar. Sýniningin er opin til 16. ágúst 2026.
• Sjálfsástarvírus - Minnisvarði #3 – Katrín Inga Jónsdóttir Hjördísardóttir. Listasafnið á Akureyri. Útilistaverk á svölum safnsins.
• Zimoun – Listasafnið á Akureyri. Sýningin stendur til 6. september 2026.
• Saga Íslands: 2. hluti – Eiríkur Páll Sveinsson. Listasafnið á Akureyri. Sýningin stendur til 16. ágúst 2026.
• Guð launi þér – Úlfur Logason. Listasafnið á Akureyri. Sýningin stendur til 16. ágúst 2026.
• Hughrif - Litir - Form I – Valin verk fyrir sköpun og fræðslu. Listasafnið á Akureyri. Sýningin stendur til 7. mars 2027.
• Sýning um heilagan fugl – Örlygur Kristfinnsson. Listasafnið á Akureyri. Sýningin stendur til 6. september 2026.
• Andlegar verðmætavindur Magnúsar – Magnús Helgason. Listasafnið á Akureyri. Sýningin stendur til 6. september 2026.
• S-I-L-I-C-A-0-3 – Hulda Rós Guðnadóttir. Listasafnið á Akureyri. Sýningin stendur til 6. september 2026.
• Ný aðföng í safneign – Kristín Gunnlaugsdóttir. Listasafnið á Akureyri. Sýningin stendur til 6. september 2026.
• Opnun ársins – Brák Jónsdóttir. Flóra menningarhús, Sigurhæðum. Sýningin stendur til 10. október 2026.

Endilega hafðu samband á valur@akureyri.net ef að þú vilt koma þínum viðburði á listann. Hann þarf að vera opinn öllum.