Tónleikar í tilefni 20 ára afmælis Emblu

Kvennakórinn Embla heldur upp á 20 ára afmæli sitt með tónleikum í Glerárkirkju næstkomandi sunnudag, 29. maí klukkan 20:00.

„Embla mun að þessu sinni flytja dásamlega tónlist frá rómantíska tímabilinu eftir tónsnillingana Sergej Rachmaninov, Edvard Grieg, Sigfús Einarsson og Sveinbjörn Sveinbjörnsson,“ segir í tilkynningu.

„Frumflutt verður ný textaþýðing, við verk Rachmaninovs, eftir Dr. Sigurð Ingólfsson.

Þetta er tónlist fyrir þá sem vilja njóta þekktrar og minna þekktrar klassískrar tónlistar í frábærum flutningi píanóleikarans Helgu Kvam og hins tvítuga Kvennakórs Emblu undir stjórn Roars Kvam.

Miðasala við innganginn kr. 3000 (posi á staðnum).“