Stærri Grasrótarhátíð haldin um helgina

Grasrót – akureyrsk tónlistarhátíð þar sem grasrótin lætur ljós sitt skína, er nú haldin í annað sinn í dag og á morgun, í Hlöðunni í Litla Garði á Akureyri. Það eru þeir Davíð Máni, Ari Orrason, Daniel Alpi og Zophonías Tumi sem standa fyrir hátíðinni, eins og í fyrra. Í ár koma gestir að sunnan líka og hátíðin stendur yfir í tvo daga, með tónleikum bæði föstudags- og laugardagskvöld.

Hljómsveitirnar sem koma fram eru Ari Orrason, Á Geigsgötum, Davíð Máni, Dream The Name, Geðbrigði, Baukur, Jói Bjarki, Melodí, og SÓT.

Félagarnir hafa þekkst í dágóðan tíma í gegnum samstarf hljómsveita sinna, meðal annars á Græna Hattinum. Í fréttatilkynningu frá þeim segir að með tónleikum Grasrótar séu þeir að veita nýjum hljómsveitum og tónlistarfólki á svæðinu stökkpall til þess að koma sér á framfæri. Andrea Gylfadóttir mun setja hátíðina og hinn reyndi Ágúst Örn Pálsson sér um hljóðið á tónleikunum. Bjarki Höjgaard sér um alla hönnun myndefnis hátíðarinnar.

DAGSKRÁ

Föstudagur 16. maí

• 20:00 - Setningarathöfn - Andrea Gylfa
• 20:15 - Jói Bjarki
• 20:45 - Melodí
• 21:15 - Baukur
• 21:45 - Á Geigsgötum

Laugadagur 17. maí

• 20:00 - Davíð Máni
• 20:30 - Ari Orrason
• 21:00 - Geðbrigði
• 21:30 - Dream The Name
• 22:00 - SÓT

Hér má skoða viðburðinn á Facebook, og þar eru líka upplýsingar um miðasölu. 

Aðsendar myndir af nokkrum flytjendum hátíðarinnar:

Á Geigsgötum. Mynd: aðsend

T.v. Davíð Máni  T.h. SÓT

T.v. Jói Bjarki. T.h. Geðbrigði, sigurvegarar Músíktilrauna 2025.

Hljómsveitin Dream the Name.

Hljómsveitin Hugarró.