Fara í efni
Menning

Orgelkrakkahátíð um næstu helgi

Orgelkrakkahátíð um næstu helgi

Orgelkrakkahátíð, vinnusmiðjur og tónlistarflutningur fyrir börn á öllum aldri, verður haldin í Akureyrarkirkju um næstu helgi, laugardaginn 30. apríl og sunnnudaginn 1. maí.

Á hátíðinni verða í boði smiðjurnar Orgelkrakkar og Orgelspuni, tónlistarævintýrið Lítil saga úr orgelhúsi og Orgeltónleikar þar sem frægustu orgelverk sögunnar verða flutt ásamt kvikmynda og leikhústónlist. Þátttaka í hátíðinni er ókeypis og börn á öllum aldri velkomin, að því er segir í tilkynningu.

Dagskrá hátíðarinnar verður sem hér segir:

Laugardagur 30. apríl

Fyrri vinnusmiðjur:

12.30 Vinnusmiðjan Orgelkrakkar í kapellu Akureyrarkirkju. Hópur setur saman lítið orgel frá grunni og spilar á það í lok stundar.

12.30 Vinnusmiðjan Orgelspuni í Akureyrarkirkju. Þátttakendur leika á orgel Akureyrarkirkju undir leiðsögn organista. Engin skilyrði eru um hljóðfærakunnáttu til að geta tekið þátt.

Seinni vinnusmiðjur:

13.30 Vinnusmiðjan Orgelkrakkar í kapellu Akureyrarkirkju. Hópur setur saman lítið orgel frá grunni og spilar á það í lok stundar.

13.30 Vinnusmiðjan Orgelspuni í Akureyrarkirkju. Þátttakendur leika á orgel Akureyrarkirkju undir leiðsögn organista. Engin skilyrði eru um hljóðfærakunnáttu til að geta tekið þátt.

  • Athugið! Skráning í vinnusmiðjurnar á laugardaginn er nauðsynleg og fer fram á netfangið sigrun@akirkja.is

15:00 Tónlistarævintýrið Lítil saga úr orgelhúsi flutt í Akureyrarkirkju. Aðgangur er ókeypis og allir eru velkomnir. Ævintýrið fjallar um Sif litlu og hinar orgelpípurnar sem lenda í ýmsum hremmingum og ævintýrum.

Sunnudagur 1. maí

12.30 Orgeltónleikar fyrir alla fjölskylduna í Akureyrarkirkju. Frægustu og glæsilegustu orgelverk sögunnar ásamt lögum úr kvikmyndum sem mörg börn þekkja verða leikin. Tónleikarnir eru 30 mínútur og aðgangur er ókeypis.