Ópera, myndlist, tónleikar og handverk
Hvaða viðburðir á sviði menningar og mannlífs eru í boði á svæðinu þessa vikuna? Akureyri.net skellir í samantekt í hverri viku, þar sem lesendur geta séð hvað verður á seyði og penslað inn í dagatalið.
Í þessari viku má nefna opnunarviðburð Óperunnar í Hofi á sunnudag, þar sem fluttar verða ýmsar perlur óperubókmenntanna. Nóg verður um að vera á Græna hattinum fimmtudag til laugardags og tónleikaröðin Skollamjólk heldur áfram. Leikfélag Akureyrar og Freyvangsleikhúsið frumsýndu leikverk í síðustu viku og sýningar halda áfram í þessari viku. Árleg haustsýning handverks- og hönnunarfólks verður í Hlíðarbæ og Joris Rademaker og Ragnar Hólm opna myndlistarsýningar.
Tónleikar
- Angurværð – Græna hattinum, fimmtudag 15. október kl. 21. Hljómsveitin var stofnuð á Akureyri árið 2016 og hélt síðast tónleika á Græna hattinum fyrir þrem árum. „Á tónleikunum lofa þau gæða tónlist, frumsamið efni í bland við vandaðar og vel útsettar ábreiður,“ eins og segir í kynningu.
- Papar – Græna hattinum, föstudag 16. október kl. 21. 40 ára afmælistónleikar Papa.
- Skollamjólk - Biggi Maus og MEMM – Slímstöðinni, laugardag 17. október kl. 20. „Skollamjólk er haldin mánaðarlega í Slímstöðinni, höfuðstöðvum MBS samsteypunnar. Ein hljómsveit eða atriði kemur fram í hvert sinn þar sem markmið tónleikaraðarinnar er tvíþætt. Að auka bæði fjölda og fjölbreytni tónleika á Akureyri, ásamt því að sérstaða Skollamjólkur felst helst í ríkri áherslu á að fanga tónleikana á hljóð og mynd, vinna úr þeim með sem faglegustum hætti og birta á netinu,“ segir í kynningu.
- Hjálmar – Græna hattinum, laugardag 17. október kl. 21. „Einhver ástsælasta hljómsveit landsins, Hjálmar, stígur á stokk á einstökum tónleikum. Ekki missa af öllum bestu lögum Hjálma,“ segir í kynningu.
Hljómsveitin Angurværð kemur fram á Græna hattinum í kvöld.
Viðburðir
- Salsa & bachata danskvöld – Vamos, fimmtudag 15. október kl. 20-22. SALSA NORTH í samstarfi við VAMOS býður Akureyringum og nærsveitungum upp á danskvöld annan hvern fimmtudag í vetur. Ókeypis aðgangur.
- Fasteignamartröðin – Leiksýning Leikfélags Akureyrar í Samkomuhúsinu. Föstudag 16. október kl. 20 og laugardag 17. október kl. 20.
- Útsynningur – Leiksýning Freyvangsleikhússins í Freyvangi. Föstudag 16. október kl. 20 og laugardag 17. október kl. 20.
- Norðlensk hönnun og handverk – Hlíðarbæ, laugardag 17. október og sunnudag 18. október kl. 11-17. Vandaðar vörur úr héraði, milliliðalaust úr höndum hönnuða, handverksfólks og sælkerameistara. Kökubasar góðgerðarfélaga, kertasala og fleira.
- Fjölskylduleiðsögn & listsmiðja – Listasafninu, sunnudag 18. október kl. 11-12. Að lokinni leiðsögn er gestum boðið að búa til sitt eigið listaverk, innblásið af verkum sýninganna,
- Undir sömu stjörnu – Opnunarviðburður Óperunnar í Hofi. Einvalalið listamanna rekur sögu óperunnar og flytur nokkrar fegurstu perlur óperusögunnar. Sunnudag 18. október kl. 16.
Perlur óperubókmenntanna verða fluttar á tónleikum í Hofi á sunnudag á opnunarviðburði Óperunnar.
Listsýningar
- Myndlíking trjánna – Joris Rademaker. Sýningaropnun í Deiglunni föstudag 16. október kl. 19. Sýningin verður einnig opin laugardag 17. október og sunnudag 18. október kl. 14-17.
- Utan vega – Ragnar Hólm. Sýningaropnun í Mjólkurbúðinni laugardag 17. október kl. 14. Sýnining verður opin laugardag og sunnudag kl. 14-17, einnig laugardag 24. október og sunnudag 25. október kl. 14-17.
- Frjó og flæði – Aðalheiður S. Eysteinsdóttir. Leyni, Hafnarstræti. Sýningin stendur til 21. október.
- Öðruvísí orð – Rakel Hinriksdóttir. Bókasafn Háskólans á Akureyri. Sýningin stendur til 2. nóvember og er opin á afgreiðslutíma safnsins.
- Sjálfsástarvírus - Minnisvarði #3 – Katrín Inga Jónsdóttir Hjördísardóttir. Listasafnið á Akureyri. Útilistaverk á svölum safnsins.
- Ný aðföng í safneign – Kristín Gunnlaugsdóttir. Listasafnið á Akureyri. Sýningin stendur til 31. desember 2026.
- Svartur blettur – Logi Bjarnason. Listasafnið á Akureyri. Sýningin stendur til 10. janúar 2027.
- Í skugga átaka – Samsýning. Listasafnið á Akureyri. Sýningin stendur til 10. janúar 2027.
- 1/3 söngskemmtun, saumur, ló og þvottaleiðbeiningar – Berglind Jóna Hlynsdóttir. Listasafnið á Akureyri. Sýningin stendur til 10. janúar 2027.
- Hughrif - Litir - Form II – Valin verk fyrir sköpun og fræðslu. Listasafnið á Akureyri. Sýningin stendur til 7. mars 2027.
- Í snertingu – Samsýning þriggja listamanna. Listasafnið á Akureyri og Lystigarðurinn á Akureyri. Sýningin stendur til 7. mars 2027.
- Bergmál umbreytingar: Út í garð – Charlotte Søeborg Ohlsen. Listasafnið á Akureyri. Sýningin stendur til 7. mars 2027.
- Hversdagsland – Baldvin Ringsted. Listasafnið á Akureyri. Sýningin stendur til 7. mars 2027.
Ragnar Hólm opnar sýningu í Mjólkurbúðinni á laugardag á nýjum abstrakt expressjónískum olíumálverkum.
Endilega hafðu samband á valur@akureyri.net ef að þú vilt koma þínum viðburði á listann. Hann þarf að vera opinn öllum.