Flygill á flakki – gert við hljóðfæri Davíðs

Flygill Davíðs Stefánssonar frá Fagraskógi er kominn heim í Davíðshús á ný eftir viðgerð, eins og Akureyri.net greindi frá fyrr í dag. Leikið var á hljóðfærið á sunnudaginn í fyrsta skipti eftir heimkomuna.

„Hljóðfærið hefur fengið algjöra yfirhalningu í viðamikilli viðgerð sem fram fór fyrr á árinu þegar það var sent til Reykjavíkur til Sindra Más Heimissonar, hljóðfærasmiðs sem nostraði við hljóðfærið,“ sagði Haraldur Þór Egilsson, safnstjóri Minjasafnsins á Akureyri en Davíðshús, húsið númer 6 við Bjarkarstíg, er í umsjá safnsins.

Það kostar nokkur handtökin þegar flygill fer í ferðalag. Að neðan eru myndir af því þegar hljóðfærið kom aftur heim í Davíðshús.

Frétt Akureyri.net fyrr í dag: Fagrir flygiltónar óma á ný í Davíðshúsi