Birtíngur, Hunang og Sköpun bernskunnar

Hvaða menningarviðburðir eru í boði á svæðinu þessa vikuna? Akureyri.net skellir í samantekt í byrjun hverrar viku, þar sem lesendur geta séð hvað verður á seyði og penslað inn í dagatalið.

Leiksýningar

• Birtíngur frumsýndur hjá Leikfélagi Akureyrar. Samkomuhúsið, fimmtudaginn 26. feb kl. 20.00. 2. sýning föstudaginn 27. feb og 3. sýning 28. feb kl. 20.00.
• Tom, Dick & Harry - Freyvangsleikhúsið. Sýningar föstudag og laugardag, 27. og 28. feb kl. 20.00.

  ---

Tónleikar

• Classic Rock ásamt Magna og Matta á Græna – Föstudag, 27. feb kl. 21:00.
• Hunang ásamt Kalla Örvars og Diskódívunum – Græni hatturinn, laugardaginn 28. feb kl. 21:00.
• Ég skal syngja fyrir þig – Einar Ágúst syngur ljóð Jónasar Friðriks við undirleik Gosanna frá Vestmannaeyjum.
• Skúli mennski á Leyni – Laugardaginn 28. feb kl. 21:00.
• Kór Hallgrímskirkju í Akureyrarkirkju – Laugardag 28. febrúar kl. 17:00. Fjölbreytt kirkjutónlist. Tónleikarnir eru þeir fyrstu sem Kór Hallgrímskirkju heldur utan höfuðborgarsvæðisins.

Viðburðir

• Pub Quiz með Villa vandræðaskáldi á LYST – Föstudagskvöldið 27. feb kl. 20:30.
• Þriðjudagsfyrirlestur á Listasafninu - Nicola van Kuilenburg / Bakslag. Þriðjudaginn 24. feb kl. 16.15.
• Sköpun & slökun á Amtinu – Tálgað í kubba með Óla Sveins. Fimmtudagskvöld 26. feb kl. 19.30.
• Borðspilakvöld eru alla þriðjudaga á Amtsbókasafninu kl. 17.00. Myndarlegt úrval borðspila er á safninu, og bæði hægt að nota þau eða koma með sín eigin. Öll velkomin.
• Ritfangar hittast annan hvern þriðjudag á Amtsbókasafninu kl. 17-18.30. Sesselía Ólafs heldur utan um hópinn, en öll eru velkomin sem hafa áhuga á skapandi skrifum. 24. febrúar er næsti hittingur.
• Danskvöld og ókeypis prufutími í salsa - Salsa north á Vamos. Fimmtudagskvöldið 26 .feb kl. 20.
• Pabbapíla á Verksmiðjunni - Alla þriðjudaga í vetur verður pabbapíla, kostar ekki neitt og pílur fyrir þá sem ekki eiga. Á milli 18 - 22.
• Íslenskuþjálfun Rauða krossins á Amtsbókasafninu - Alla fimmtudaga frá 16.30 til 18.00 er boðið upp á íslenskuspjall fyrir öll sem vilja bæta sig í íslensku í góðum félagsskap.

Listasýningar

• Opnun: Sköpun bernskunnar 2026 – Listasafnið á Akureyri. Samstarf listakonunnar Sunnu Svavarsdóttur og barna í Tröllaborgum, Brekkuskóla, Glerárskóla, Naustaskóla og Oddeyrarskóla.
• Guðmundur Ármann: Aðflæði – Yfirlitssýning listamannsins, sem spannar 65 ára feril. Sýnt á Listasafninu á Akureyri, en sýningin stendur til 4. maí 2026.
• Björk Viggósdóttir - Hreyfing fyrir sjón / Movement for vision – Sýning á Listasafninu á Akureyri. Stendur til 3. maí 2026.
• Vítahringur / Vicious circle - Listasýning Ólafs Sveinssonar og Boaz Yosef Friedman í Mjólkurbúðinni. Opið laugardag 28. feb og sunnudag 1. mars á milli 14-17.
• Litasinfóníur - myndlistasýning Rósu Njálsdóttur á Bókasafni HA. Þar eftir er opið á opnunartíma bókasafnsins.
• Undir berum himni - Jóhannes Sveinsson Kjarval. Sýning á teikningum og skissum Jóhannesar Sveinssonar Kjarvals á Listasafninu á Akureyri. Sýningin stendur til 17. maí 2026.

Endilega hafðu samband á rakel@akureyri.net ef að þú vilt koma þínum viðburði á listann. Hann þarf að vera opinn öllum.