Álfar og tröll – þrennir tónleikar Helgu og Hildu

Þórhildur Örvarsdóttir söngkona og Helga Kvam píanóleikari hefja í kvöld tónleikaröð sem þær kalla Álfar og tröll þar sem þær leita í sagnaarfinn og flétta saman dagskrá í tali og ónum.

• Tónleikarnir í kvöld verða í Safnahúsinu á Húsavík og hefjast kl. 20.30.

„Flutt verður tónlist úr ýmsum áttum sem tengist álfum og tröllum og spjallað um þjóðtrú okkar Íslendinga, stundum með aðstoð góðra gesta,“ segir í tilkynningu.

• Á morgun, föstudag, verða þær með tónleika í Skólahúsinu á Kópaskeri kl. 20.00.
• Þriðju og síðustu tónleikarnir verða á Akureyri á laugardaginn – í Hlöðunni við Litla-Garð, og hefjast kl. 17.00.

Aðgangseyrir er 3.500 krónur. Sætafjöldi er takmarkaður og miðar einungis seldir á staðnum, að því er kemur fram í tilkynningunni. Viðburðurinn er styrktur af Sóknaráætlun SSNE.