30 ára afmælishátíð Listasafnsins á Akureyri
Um helgina verður 30 ára afmæli Listasafnsins á Akureyri – á Akureyrarvöku. Afmælishátíðin hefst annað kvöld með tónleikum tékkneska oktettsins HLASkontraBAS og á laugardagverður blásið til mikillar listahátíðar þegar fimm nýjar sýningar verða opnaðar í safninu.
Guðni Th. Jóhannesson forseti Íslands flytur ávarp við opnun sýninganna á laugardag, einnig Ásthildur Sturludóttir bæjarstjóri á Akureyri og Hlynur Hallsson safnstjóri.
Enginn aðgangseyrir verður inn á safnið laugardag og sunnudag. Einnig er vert að geta þess að enginn aðgangseyrir er á tónleika HlaskontraBAS á föstudagskvöldið.
Dagskrá afmælishelgarinnar verður sem hér segir:
FÖSTUDAGUR 25. ÁGÚST
22.00 – HLASkontraBAS Octet, – tónleikar í sal 10.
LAUGARDAGUR 26. ÁGÚST
Opnun sýninga – safnið opið kl. 15.00 - 23.00
15.20 – Ávörp í sal 4
- Guðni Th. Jóhannesson, forseti Íslands
- Ásthildur Sturludóttir, bæjarstjóri á Akureyri
- Hlynur Hallsson, safnstjóri Listasafnsins á Akureyri
Sýningar:
- Samsýning – Hringfarar
- Brynhildur Kristinsdóttir – Að vera vera
- Kata saumakona – Einfaldlega einlægt
- Dröfn Friðfinnsdóttir – Töfrasproti tréristunnar
- Melanie Ubaldo – Afar ósmekklegt
16.00 – Listamannaspjall með Melanie Ubaldo í sal 12. Stjórnandi Hlynur Hallsson, safnstjóri.
16.30 – Listamannaspjall um samsýninguna Hringfarar í sölum 02-05. Stjórnandi Hlynur Hallsson, safnstjóri.
17.00 – Mysingur VI, tónleikar í Mjólkurporti Listasafnsins.
- Þriðji og síðasti Mysingur sumarsins fer fram á Akureyrarvöku, laugardaginn 26. ágúst kl. 17. Að venju verða tónleikarnir haldnir í Mjólkurporti Listasafnsins á Akureyri og að þessu sinni koma fram Helgi og hljóðfæraleikararnir og Miomantis. Enginn aðgangseyrir er á tónleikana og hægt verður að kaupa mat og drykki frá Ketilkaffi á svæðinu. Tónleikaröðin er hluti af Akureyrarvöku og unnin í samstarf Akureyrarbæjar, Listasafnsins á Akureyri, Ketilkaffis og Geimstofunnar.
20.15 – Að vera vera – Yuliana Palacios fremur gjörning út frá samnefndri sýningu Brynhildar Kristinsdóttur.
20.45 – The Visitors: Uppsetning, tilgangur og tilurð. Hlynur Hallsson, safnstjóri, og Haraldur Ingi Haraldsson, verkefnastjóri og myndlistarmaður, eiga samtal um velgengni verksins, uppsetningu, tilgang þess og tilurð.
Ragnar Kjartansson þegar stórbrotin sýning hans – The Visitors – var opnuð í Listasafninu á Akureyri í febrúar. Sýningunni lýkur 17. september næstkomandi. Ljósmynd: Skapti Hallgrímsson
SUNNUDAGUR 27. ÁGÚST
Afmælisleiðsögn
11.00 – Fjölskylduleiðsögn og listasmiðja um samsýningu norðlenskra myndlistarmanna, Afmæli.
12.00 – Brynhildur Kristinsdóttir – Að vera vera. (kl. 12.30 - ensk leiðsögn)
13.00 – Samsýning – Hringfarar. (kl. 13.30 - ensk leiðsögn)
14.00 – Kata saumakona – Einfaldlega einlægt. (kl. 14.30 - ensk leiðsögn)
15.00 – Melanie Ubaldo – Afar ósmekklegt. (kl. 15.30 - ensk leiðsögn)
16.00 – Dröfn Friðfinnsdóttir – Töfrasproti tréristunnar. (kl. 16.30 - ensk leiðsögn)
Yfirstandandi sýningar
- Ragnar Kjartansson – The Visitors
- Safneign Listasafns Háskóla Íslands – Stofn
- Samsýning norðlenskra myndlistarmanna – Afmæli