Mannlíf
Þúsundir skoðuðu ÚA í gær – sýning í dag
01.06.2025 kl. 06:00
Mikill fjöldi fólks lagði leið sína upp í brú á Kaldbak EA 1 í gær. Þessum ungu drengjum þótti útsýnið þaðan augljóslega flott. Mynd: Skapti Hallgrímsson
Talið er að nokkur þúsund manns hafi lagt leið sína í Útgerðarfélag Akureyringa á Fiskitanga í gær. Almenningi var þá boðið að kynna sér starfsemi ÚA í tilefni 80 ára afmælis félagsins sem var síðastliðinn mánudag, 26. maí. Fólk gat skoðað fiskvinnsluhúsið og togarann Kaldbak EA 1, sem lá við bryggju, og þegið veitingar í matsal ÚA.
Fyrir framan fiskvinnsluhúsið var ljósmyndasýningin Myndbrot úr sögu ÚA, þar sem varpað var ljósi á sögu félagsins í 80 ár.
Afmælissýning í Iðnaðarsafninu
- Í dag er sjómannadagurinn og klukkan 13:00 verður opnuð sýningin Fagur fiskur úr sjó í Iðnaðarsafninu á Krókeyri.
- Þar er saga Útgerðarfélags Akureyringa sögð með ljósmyndum, kvikmyndum og munum. Sýningin markar upphaf að söfnun á sögum og minningum þeirra sem störfuðu hjá ÚA.
- Ókeypis er á sýninguna þennan dag og veitingar verða í boði.
