Mannlíf
Þórsarar mæta Leikni í Reykjavík í dag
09.05.2025 kl. 16:00
Þórsarar fagna marki Ibrahima Balde í fyrstu umferð Lengjudeildarinnar, þegar þeir gerðu 1:1 jafntefli við HK í Boganum. Mynd: Ármann Hinrik
Þórsarar sækja Leiknismenn heim í Breiðholtið í dag í Lengjudeildinni, næstefstu deild karla í knattspyrnu. Leikurinn er í 2. umferð mótsins, Þór gerði 1:1 jafntefli gegn HK í Boganum í umferðinni og fyrsta leik Leiknis lauk einnig 1:1, gegn Þrótti í Laugardalnum.
- Lengjudeild karla í knattspyrnu, 2. umferð
Leiknisvöllur (Domusnovavöllurinn) í Breiðholti kl. 18.00
Leiknir - Þór
Leiknismenn unnu báða deildarleiki liðanna síðasta sumar, fyrst 2:1 á Þórsvellinum og síðan 5:1 í Reykjavík.
Sigurður Heiðar Höskuldsson, þjálfari Þórs, snýr á gamla heimavöllinn; hann var þjálfari Leiknis frá 2018 til 2022, tvö síðustu árin í efstu deild.
Hægt er horfa á leikinn í beinni útsendingu á livey. Það kostar 500 krónur.
