Mannlíf
Þór sækir Víking heim í Bestu deildinni í dag
08.05.2026 kl. 06:00
Kristófer Kristjánsson hefur betur í baráttu við Jeppe Pedersen í leik Þórs og KA um síðustu helgi. Christian „Greko“ Jakobsen í fjarska. Mynd: Ármann Hinrik
Sjötta umferð Bestu deildar karla í knattspyrnu er á næstu grösum, fimm leikir í kvöld og einn á sunnudag. Þór sækir Íslandsmeistara Víkings heim í Fossvoginn í dag
- Besta deild karla í knattspyrnu
Víkingsvöllur kl. 17:30
Víkingur - Þór
Bæði lið léku um liðna helgi, Þór gegn KA á laugardag og Víkingar í Keflavík á sunnudag. Þórsarar máttu þola 0-1 tap á heimavelli, en Víkingur vann Keflavík á útivelli, 3-1.
Þór er í 7. sæti deildarinnar að loknum fimm umferðum með sex stig, eftir tvo sigra og þrjú töp. Víkingur er í 2. sætinu, á eftir KR, með 13 stig eftir fjóra sigra og eitt jafntefli.
