Mannlíf
Sólstöðuhátíð haldin í Grímsey um helgina
16.06.2022 kl. 10:35
![](/static/news/lg/1655287489_grimsey_gh40912.jpg)
Ljósmynd: Gyða Henningsdóttir
Sólstöðuhátíð verður haldin í Grímsey um helgina. Dagskrá þessarar árlegu hátíðar einkennist af góðri samveru og fögnuði nú þegar birtu nýtur allan sólarhringinn, eins og segir í tilkynningu á vef Akureyrarbæjar.
„Þjóðhátíðardeginum verður fagnað með ungum sem öldnum að hætti Grímseyinga og um helgina er boðið upp á siglingu í kringum eyjuna, göngu yfir heimskautsbaug á sumarsólstöðum með söng og gítarleik, dorgveiðikeppni, sjósund og bryggjuför, að ógleymdu hinu margrómaða sjávarréttakvöldi kvenfélagsins Baugs. Fólk syngur saman við varðeld og loks verður slegið upp dansleik í félagsheimilinu Múla.“
Nánar hér um hátíðina