Sól og sumarylur og bjart framundan

Veðrið hefur leikið við Akureyringa og gesti bæjarins í gær og í dag. Þegar Þór og Víkingur hófu leik í Bestu deild í knattspyrnu í gær var rúmlega 20 stiga hiti, nánast logn og sólin skein á heiðum himni og hið sama er upp á teningnum í dag; tvö stór skemmtiferðaskip eru við bryggju í dag og mikill fjöldi útlendinga á vappi um bæinn, svo og fjöldi innlendra ferðamann sem líklega hafa elt góða veðrið, eins og stundum er sagt. Á Miðaldadögum á Gásum í Hörgársveit höggva þeir mann og annan í blíðunni – þó ekki bókstaflega, sem betur fer – og á morgun verður Landsmót skáta sett á Hömrum í sumarblíðu. Mjög góðu veðri er spáð næstu daga.