KA tekur á móti Víkingi – Þór sækir KR heim

Í dag eru tveir leikir á dagskrá Akureyrarliða, bæði karlaliðin í fótboltanum leika í 2. umferð Bestu deildarinnar. KA fær Íslandsmeistarana í heimsókn, en Þórsarar sækja KR-inga heim í Vesturbæinn á sama tíma. 

KA byrjar Bestu deild karla í knattspyrnu á tveimur heimaleikjum. Í dag tekur KA á móti Íslandsmeisturum Víkings í 2. umferð deildarinnar.

• Besta deild karla í knattspyrnu
  Greifavöllurinn á Akureyri kl. 17:30
  KA - Víkingur

KA fékk Stjörnuna í heimsókn í fyrstu umferðinni og þurfti að sætta sig við 2-3 tap á heimavelli. Víkingur gerði 1-1 jafntefli við Breiðablik í opnunarleik deildarinnar síðastliðið föstudagskvöld.

- - -

Þór leikur annan leik sinn í Bestu deild karla í knattspyrnu á föstudag, og jafnframt annan útileik sinn í upphafi móts. Þórsarar fara í Vesturbæ Reykjavíkur og mæta þar KR-ingum á Meistaravöllum.

• Besta deild karla í knattspyrnu, 2. umferð
  Meistaravellir í Reykjavík kl. 17:30
  KR - Þór

Bæði lið hófu keppni með sigri í fyrstu umferðinni. Þór vann Val á Hlíðarenda, 2-1, og KR vann 3-2 sigur á Keflvíkingum á sínum heimavelli, Meistaravöllum.