Fara í efni
Mannlíf

KA-stelpurnar komust líka í bikarúrslit

KA-liðið í blaki sem komst í dag í bikarúrslit og mætir Aftureldingu á morgun. Mynd af Facebook síðu…
KA-liðið í blaki sem komst í dag í bikarúrslit og mætir Aftureldingu á morgun. Mynd af Facebook síðu KA.

Kvennalið KA í blaki sigraði Þrótt úr Fjarðabyggð 3:1 í dag í undanúrslitum bikarkeppninnar, Kjöríssbikarsins. KA-stelpurnar mæta Aftureldingu í úrslitaleiknum á morgun en Mosfellingar sigruðu lið Álftaness í dag 3:1.

Leikur KA og Þróttar var hnífjafn og skemmtilegur. Úrslit hrinanna voru þessi:

  • KA - Þróttur 25:23, 25:20, 24:26, 25:23

Úrslitaleikur í kvennaflokki hefst klukkan 15.15 á morgun en karlaleikurinn, þar sem KA-menn verða einnig í eldínunni og mæta Íslands- og bikarmeisturum Hamars úr Hveragerði, hefst klukkan 13.00.

Báðir leikirnir verða í Digranesi í Kópavogi og í beinni útsendingu RÚV.

Mynd af Faceook síðu KA.