Mannlíf
Handbolti: Þórsarar taka á móti FH í dag
01.11.2026 kl. 06:00
Danska skyttan Bertram Simonsen hefur skorað mest Þórsara það sem af er tímabilinu, 45 mörk í átta leikjum. Mynd: Ármann Hinrik.
Lið frá vinabæjunum Akureyri og Hafnarfirði etja kappi tvo daga í röð í handbolta þessa helgina. KA tókst ekki að stöðva sigurgöngu Hauka í gær, en í dag tekur Þór á móti hinu Hafnarfjarðarliðinu, FH, í níundu umferð Olísdeildar karla. Bæði liðin töpuðu í síðustu umferð.
Þór er í 8. sæti deildarinnar með sex stig að loknum átta leikjum, en FH í fimmta sætinu með 11 stig. FH mátti játa sig sigrað í síðustu umferð, en liðið tók þá á móti KA í Kaplakrikanum, lokatölur 33-39. Í sömu umferð sóttu Þórsarar Mosfellinga í Aftureldingu heim, en fóru tómhentir þaðan eftir 38-34 tap.
- Handbolti
Olísdeild karla, 9. umferð
Íþróttahöllin á Akureyri kl. 15
Þór - FH
