Fara í efni
Mannlíf

Fallegasti og best skreytti glugginn í JMJ

Jón Ragnarsson, einn eigenda Herradeildar JMJ, til hægri, tekur við blómvendi frá Þórgný Dýrfjörð, f…
Jón Ragnarsson, einn eigenda Herradeildar JMJ, til hægri, tekur við blómvendi frá Þórgný Dýrfjörð, forstöðumanni Akureyrarstofu, í tilefni dagsins. Ljósmynd: Skapti Hallgrímsson.

Herradeild JMJ bar sigur úr býtum í samkeppni um fallegasta og best skreytta verslunargluggann á Akureyri fyrir þessi jól. 

Akureyrarstofa stóð fyrir keppninni og var markmiðið að vekja athygli á fjölbreyttu úrvali verslana í bænum og þeim metnaði sem lagður er í gluggaskreytingar. Íbúar og verslunareigendur voru hvattir til að senda inn tillögur með því að birta mynd á Instagram.

Þótt margar verslanir séu vel skreyttar þá var þátttaka í keppninni heldur dræm, en nokkrar tilnefningar bárust sem þriggja manna dómnefnd lagði mat á. Einróma niðurstaða dómnefndar var sú að metnaðarfullar jólaskreytingar í gluggum JMJ stæðu upp úr. Löng hefð er fyrir veglegum gluggaskreytingum í versluninni sem stjórnendur hafa lagt áherslu á að varðveita, Akureyringum og gestum bæjarins til mikillar gleði, eins og segir á heimasíðu bæjarins.