Mannlíf
Búið að nafngreina alla leikmenn ÍBA liðsins
28.11.2023 kl. 08:00
![](/static/news/lg/1700997384_2-gamla-ithr.jpg)
Tekist hefur að nafngreina alla leikmenn á gömlu íþróttamyndinni, af handboltaliði ÍBA, sem Akureyri.net birti á laugardaginn var.
Aftari röð frá vinstri: Sigurlína Sigurgeirsdóttir, Bryndís Þorvaldsdóttir, Aðalbjörg Jónsdóttir, Herdís Jónsdóttir og Halla Jónsdóttir. Fremri röð frá vinstri: Auðbjörg María Sigursteinsdóttir, Jarþrúður Jónsdóttir og Rósa Jónsdóttir
- Sigurlína – aldrei kölluð annan en „Sísí“ – segir myndina tekna árið 1956 áður en liðið hélt í keppnisferð til Færeyja. Búningarnir, sem sannarlega eru óvenjulegir, hafi verið sérsaumaðir fyrir ferðina.
- Þrjár systur eru í liðinu; Herdís, Halla og Jarðþrúður úr Fjólugötu 15.
Gaman er að segja frá því að nokkrir afkomendur þessara handboltastúlkna eru þekktir íþróttamenn:
- Bryndís Þorvaldsdóttir er móðir KA-mannanna Þorvaldar og Ormars Örlygssona, sem báðir voru kunnir knattspyrnumenn. Þorvaldur var atvinnumaður í Englandi í áratug með Nottingham Forest, Stoke og Oldham.
- Almarr sonur Ormarrs er einnig þekktur knattspyrnumaður til margra og Karlotta Björk Andradóttir, bráðefnileg dótturdóttir Ormars, steig fyrstu skrefin með meistaraflokki Þórs/KA aðeins 15 ára.
- Börn Sigurlínu, Inga Huld og Sigurður Bjarnar, Pálsbörn, léku bæði knattspyrnu og handknattleik með Þór, og Páll sonur hennar, lék knattspyrnu með félaginu.
- Þá eru ömmubörn Sigurlínu þekkt íþróttafólk; börn Ingu Huldar og Hlyns Birgissonar knattspyrnumanns: Lillý Rut leikur nú knattspyrnu með Val en áður Þór/KA, Birgir Ómar með Þór og Laufey Elísa lék einnig knattspyrnu á sínum tíma. Gísli Páll Helgason (Pálssonar) lék knattspyrnu með Þór um árabil og Inga Dís Sigurðardóttir (Pálssonar) handknattleik og knattspyrnu með Þór/KA og KA/Þór.