Auglýst eftir ungmennum fyrir vinabæjamót

Akureyrarbær hefur framlengt umsóknarfrest fyrir ungmenni á aldrinum 16-20 ára til að sækja um að vera með í NOVU, norrænu vinabæjamóti sem haldið verður á Akureyri 26. júní til 1. júlí í sumar. Á vinabæjamótinu koma saman ungmenni frá Ålesund í Noregi, Randers í Danmörku, Lahti í Finnlandi og Västerås í Svíþjóð ásamt okkar fólki.

Þátttakendum gefst tækifæri til að kynnast ungu fólki frá hinum Norðurlöndunum. Unnið verður í smiðjum að fjölbreytilegum verkefnu og farið í skoðunar- og fræðsluferðir. 

Nánar í frétt á vef Akureyrarbæjar:

• Ertu á aldrinum 16-20 ára og langar að eignast vini í útlöndum? | Akureyrarbær (akureyri.is)

Skráning er í þjónustugáttinni á vef bæjarins og er umsóknarfrestur til föstudagsins 19. maí.