Árlegir Dekurdagar að hefjast á Akureyri

Dekurdagar 2026 hefjast á Akureyri í dag, fimmtudaginn 8. október, og standa til sunnudagsins 11. október. Um er að ræða árlegan októberviðburð þar sem boðið er upp á ýmsa viðburði, afþreyingu og tilboð og fólk hvatt til að gera sér dagamun með vinum, fjölskyldu, maka eða samstarfsfólki. Viðburðurinn er stór styrktaraðili Krabbameinsfélags Akureyrar og nágrennis en sala á bleikum slaufum sem einstaklingar og fyrirtæki nota til að skreyta hjá sér hafa árlega skilað milljónum til félagsins.

Dagskráin er fjölbreytt og viðburðir sem tengjast Dekurdögum og Bleikum október eru víða í bænum. Kvöldopnun verður á Glerártorgi í kvöld og í miðbænum annað kvöld. Samhliða dagskránni taka verslanir og fyrirtæki í bænum þátt með ýmsum uppákomum og afsláttum með það að markmiði að skapa líf og gleði í bænum á þessum árstíma.

Dekurdagar voru fyrst haldnir árið 2008 og eru að frumkvæði verslunareigenda á Akureyri, með aðstoð Akureyrarbæjar. Viðburðurinn styður jafnframt við Krabbameinsfélag Akureyrar og nágrennis og er október, líkt og viðburðurinn, tengdur bleikum áherslum mánaðarins.

Dagskrá Dekurdaga í heild má sjá á þessari síðu og upplýsingar um viðburði er einnig að finna á Facebook-síðu Dekurdaga.