Fara í efni
Íþróttir

Þór/KA fær markmann frá Bandaríkjunum

Bandarískur markvörður, Melissa Anne Lowder, er á leið til knattspyrnuliðs Þórs/KA. Greint er frá tíðindunum á vef liðsins í kvöld, þar sem kemur fram að samningurinn gildi út þetta keppnistímabil. 

Lowder er fædd 1997, spilaði fótbolta með Santa Clara Broncos á háskólaárunum og á að baki 63 leiki þar á árunum 2015-2018. Hún hefur frá þeim tíma verið á mála hjá Utah Royals, Chicago Red Stars og San Diego Waves.

Melissa kveðst hlakka til að ganga til liðs við Þór/KA. „Ég er ótrúlega spennt fyrir tækifærinu til að spila fyrir Þór/KA og að þroska þekkingu mína á leiknum. Ég hlakka mjög til að upplifa tengslin við stuðningsfólkið og það sem þessi klúbbur stendur fyrir. Ég vonast til að koma með góða orku og árangur inn í félagið!“ segir Melissa Anne Lowder í viðtali við vef Þórs/KA.

Vefur Þórs/KA