Þór mætir Þór í úrslitakeppninni
Þórsarar unnu Hauka 96:87 í lokaumferð Domino‘s deildarinnar í körfubolta í kvöld og enduðu í sjöunda sæti þar sem Tindastóll tapaði á heimavelli fyrir Stjörnunni. Þór mætir því nafna sínum frá Þorlákshöfn í fyrstu umferð úrslitakeppninnar um Íslandsmeistaratitilinn, en Þorlákshafnarliðið varð í 2. sæti deildarinnar. Tindastóll leikur hins vegar við Keflavík, sem varð deildarmeistari.
Srdjan Stojanovic skoraði mest fyrir Þórsara í kvöld, gerði 27 stig og var með flest framlagsstig, 25. Ivan Aurrecoechea Alcolado gerði 20 stig og er skráður með alls 16 framlagsstig.
Smellið hér til að sjá alla tölfræði úr leiknum
Nánar í fyrramálið.
Hluti áhorfenda fagna Þórsurum eftir sigurinn í kvöld.
Ivan Aurrecoechea Alcolado, til vinstri, og Srdjan Stojanovic voru bestu menn Þórs í kvöld.