Fara í efni
Íþróttir

Slakur fyrri hálfleikur varð KA-mönnum að falli

Phil Döhler lék mjög vel í marki FH í dag; varði 16 skot en Einar Birgir Stefánsson skoraði hjá honu…
Phil Döhler lék mjög vel í marki FH í dag; varði 16 skot en Einar Birgir Stefánsson skoraði hjá honum í þetta skipti. Ljósmynd: Skapti Hallgrímsson

Afleitur fyrri hálfleikur varð KA að falli í dag þegar FH kom í heimsókn í Olís deildinni, efstu deild Íslandsmótsins í handbolta. FH-ingar unnu 30:27 eftir að hafa verið sjö mörkum yfir í hálfleik, 19:12.

Gestirnir voru miklu betri í fyrri hálfleik og náðu mest átta marka forystu. Sóknarleikur KA-manna var slakur og Phil Döhler, markvörður FH, var þeim líka afar erfiður. KA-liðið er þekkt fyrir allt annað en að gefast upp og þrátt fyrir erfiða stöðu í hálfleik var enga uppgjöf að sjá. KA-menn náðu að minnka muninn í eitt mark en aldrei að jafna.

Mörk KA: Einar Rafn Eiðsson 6 (3 víti), Einar Birgir Stefánsson 5, Dagur Gautason 5, Gauti Gunnarsson 5, Arnór Ísak Haddsson 3, Dagur Árni Heimisson 2 og Patrekur Stefánsson 1.

Varin skot: Bruno Bernat 8 – 40% og Nicholas Satchwell 5 (1 víti) – 23%

FH fer með sigr­in­um upp í annað sæti deild­ar­inn­ar, hefur 12 stig, en KA er í átt­unda sæt­inu með sex stig.

Smellið hér til að sjá alla tölfræði úr leiknum.