Seinni fjallabrunsdagur og KA í Úlfarsárdal
Seinna fjallabrunsmótið sem Hjólreiðafélag Akureyrar stendur fyrir um helgina fer fram í dag, en mótið er bikarmót í fjallabruni eins og mótið á í gær.
- Hjólað verður í „Gömlu Downhill brautinni“ í Hlíðarfjalli. Brautarskoðun verður ekki formleg.
- Mæting er við Strýtuskála í Hlíðarfjalli.
- Ræsing er kl. 13:00.
- Braut lokað kl. 12:30.
Keppt verður í einni braut í Hlíðarfjalli, „Gömlu Downhill brautinni“ eins og hún er nefnd í upplýsingum um keppnina, en mætti allt eins nefna gömlu fjallabrunsbrautina. Í A-flokki eru farnar tvær ferðir í braut, fyrri ferðin er til þess að raða í rásröð fyrir seinni ferðina. Úrslit ráðast af bestu tímum í seinni ferð. Í öðrum flokkum eru hjólaðar tvær ferðir í brautinni og betri ferðin gildir til úrslita. Allir keppendur hafa tímatökuflögu sem þeir hafa leigt sjálfir eða keypt.
Allar upplýsingar um mótið: Fjallabrunshelgi HFA - Hlíðarfjall - 29.-30. ágúst | Netskraning.is
KA á liðin í 3. og 4. sæti eftir
Eins og fram hefur komið í umfjöllun akureyri.net um Bestu deild karla er KA eitt af fjórum liðum sem á ekki möguleika á að færa sig upp í efri hluta deildarinnar fyrir tvískiptingu hennar, en stigin eru jafn dýrmæt fyrir því í harðri baráttu í neðstu sætum deildarinnar. KA á eftir tvo erfiða leiki gegn liðum í efri hluta deildarinnar, Fram og Breiðabliki.
KA sækir Fram heim í 21. umferðinni í dag. Framliðið er í 3. sæti deildarinnar með 43 stig, en KA er með 16 stig og færðist niður í 12. og neðsta sæti í gær þegar Þór sigraði ÍBV í Eyjum. Fram vann Breiðablik 4-3 í síðasta leik, en KA tapaði 3-5 heima fyrir KR.
- Besta deild karla í knattspyrnu, 21. umferð
Framvöllurinn (Lambhagavöllurinn í Úlfarsárdal) kl. 17
Fram - KA
Fyrri leik KA og Fram sem fram fór á Akureyri um miðjan júní lauk með 4-3 sigri Fram.
Í lokaumferðinni fyrir tvískiptingu deildarinnar tekur KA á móti Breiðabliki sunnudaginn 6. september.
