Rut og Ásdís báðar með landsliðinu til Skopje

Handboltakonurnar Ásdís Guðmundsdótir og Rut Jónsdóttir, leikmenn KA/Þórs, voru báðar valdar í landsliðið sem leikur í mars í forkeppni HM. Leikið verður í Skopje í Norður-Makedóníu. Arnar Pétursson landsliðsþjálfari valdi í dag 18 manna hóp fyrir ferðina.

Riðill íslenska liðsins fer fram 19. - 21. mars. Með Íslandi í riðli eru Litháen, Grikkland og heimakonur í Norður-Makedóníu. Stelpurnar hefja æfingar fimmtudaginn 11. mars en liðið heldur utan sunnudaginn 14. mars.

Leikirnir verða sem hér segir:

• Föstudag 19. mars kl. 16:45 Ísland – Norður-Makedónía
• Laugardag 20. mars kl. 18:45 Ísland – Grikkland
• Sunnudag 21. mars kl. 18:45 Ísland – Litháen

Íslenski hópurinn er svona, landsleiki og mörk í sviga:

Markverðir:
Elín Jóna Þorsteinsdóttir, Vendsyssel (25/0)

Katrín Ósk Magnúsdóttir, Fram (2/0)

Saga Sif Gísladóttir, Valur (0/0)

Aðrir leikmenn:
Ásdís Guðmundsdóttir, KA/Þór (2/0)

Birna Berg Haraldsdóttir, ÍBV (58/118)

Eva Björk Davíðsdóttir, Stjarnan (36/28)

Harpa Valey Gylfadóttir, ÍBV (0/0)

Helena Rut Örvarsdóttir, Stjarnan (37/77)

Hrafnhildur Hanna Þrastardóttir, ÍBV (34/66)

Karen Knútsdóttir, Fram (102/369)

Lovísa Thompson, Valur (19/28)

Ragnheiður Júlíusdóttir, Fram (26/27)

Rut Jónsdóttir, KA/Þór (94/191)

Sigríður Hauksdóttir, HK (16/34)

Steinunn Björnsdóttir, Fram (35/27)

Sunna Jónsdóttir, ÍBV (56/42)

Thea Imani Sturludóttir, Valur (40/54)

Tinna Sól Björgvinsdóttir, HK (0/0)

Díana Dögg Magnúsdóttir leikmaður BSC Sachsen á ekki heimangengt í landsliðið að þessu sinni vegna sóttvarnarreglna í Þýskalandi, skv. upplýsingum frá HSÍ.