Fara í efni
Íþróttir

Opið bréf vegna greinar Hjörleifs

Opið bréf til Brynjólfs Ingvarssonar, geðlæknis, Málfríðar Þórðardóttur, ljósmóður, Jóns Hjaltasonar, sagnfræðings og annarra frambjóðenda á lista Flokks fólksins á Akureyri og Jakobs Frímanns Magnússonar, alþingismanns, tónlistarmanns og kvikmyndargerðarmanns.

Kæru frambjóðendur Flokks Fólksins á Akureyri og alþingismaður.

Í gær birtist á vef akureyri.net grein þar sem Hjörleifur Hallgríms sem skipar heiðurssætið á listanum ykkar og stýrir kosningabaráttunni fyrir ykkur, níðir oddvita Kattaframboðsins, Snorra Ásmundsson, listamann svo um munar.

Hjörleifur Hallgríms sem skipar heiðurssætið á listanum ykkar og stýrir kosningabáttunni fyrir ykkur, er þekktur fyrir að skrifa níðgreinar um Akureyringa, sérstaklega þá sem hafa ekki búið hér á Akureyri alla sína ævi.

Mig langar að spyrja ykkur. Er þetta pólítíkin sem þið standið fyrir og ætlið að stunda þegar þið verðið kosin í bæjarstjórn á Akureyri eða á Alþingi Íslendinga?

Ég skora á ykkur þrjú, aðra frambjóðendur Flokks fólksins og Alþingismanninn ykkar, Jakob F. Magnússon, að koma fram opinberlega og fordæma þessa níðgrein um Snorra Ásmundsson, oddvita Kattaframboðsins og aðrar níðgreinar sem Hjörleifur Hallgríms hefur skrifað og mun skrifa um fólk.

Ég neita að trúa því að þið viljið standa fyrir svona málflutningi og kosningabaráttu.

Ég bið svo alla Akureyringa að kjósa með hjartanu í komandi bæjarstjórnarkosningum.

Ásgeir Ólafsson Lie skipar 2. sæti á lista Kattaframboðsins á Akureyri