Hvað þarf að gerast til að KA nái 6. sæti?
KA mætir FH í Hafnarfirði á morgun í Bestu deildinni, efstu deild Íslandsmótsins í knattspyrnu. Leiknum var frestað fyrr í sumar og næsta sunnudag er svo síðasta umferð deildarinnar á dagskrá; síðustu sex leikirnir áður en deildinni verður skipt í tvennt.
Staðan er þannig að til að KA verði í hópi þeirra sex efstu verður liðið að vinna tvo síðustu leikina – gegn FH á morgun og gegn Fylki í Reykjavík á sunnudag en það er reyndar ekki nóg – en þar sem KR vann Fylki í vikunni verða KA-menn að auki að treysta á að KR-ingar tapi fyrir ÍBV í Vestmannaeyjum á sunnudaginn.
Segja má að Stjarnan sé örugg með sæti í hópi sex efstu vegna mjög góðrar markatölu; liðið hefur skorað 17 mörkum meira en það hefur fengið á sig í sumar.
Staða liðanna um miðjan deild er þessi:
- 4. Stjarnan 21 leikur – 31 stig (+17)
- 5. FH 20 leikir – 31 stig (-2)
- 6. KR 21 leikur – 31 stig (-7)
_ _ _ - 7. HK 21 leikur – 25 stig (-8)
HK á ekki möguleika á sjötta sætinu þar sem liðið á aðeins einn leik eftir og kemst mest í 28 stig. - 8. KA 20 leikir – 25 stig (-11)
Liðin eiga þessa leiki eftir:
- FH - KA
- Fylkir - KA
_ _ _
- Stjarnan - Keflavík
_ _ _
- FH - KA
- Breiðablik - FH
_ _ _
- ÍBV - KR
_ _ _
Að loknum 22 leikjum halda sex efstu áfram baráttu um Íslandsmeistaratitil og Evrópusæti og sex þau neðri mætast einnig í einfaldri umferð, þar sem tvö neðstu falla þegar upp er staðið.
