Mjólkurbikarinn – KA og Þór heima, Þór/KA úti

Dregið hefur verið í átta liða úrslit Mjólkurbikars kvenna og karla í knattspyrnu. Akureyrarliðin þrjú voru öll í pottinum. Þór/KA fær útileik gegn FH í Kaplakrika. Karlaliðin tvö, Þór og KA, fengu heimaleiki.

Leikirnir í átta liða úrslitum kvenna:

• Breiðablik - Keflavík
• Afturelding - Þróttur
• Grindavík - Valur
• FH - Þór/KA

Leikirnir í átta liða úrslitum karla

• Víkingur R. - Fylkir
• Keflavík - Valur
• KA - Fram
• Þór - Stjarnan

Leikirnir í Mjólkurbikarkeppni kvenna fara fram 11. og 12. júní, en 12. og 13. júní hjá körlunum. 

Leið liðanna í átta liða úrslitin

• Þór/KA vann Tindastól 2-1 á Dalvíkurvelli í 16 liða úrslitum.
• KA vann ÍR 2-1 heima í 32ja liða úrslitum og Vestra 3-1 heima í 16 liða úrslitum.
• Þór vann KFA 5-1 heima í 64ra liða úrslitum, Gróttu 3-0 úti í 32ja liða úrslitum og Fjölni 2-0 úti í 16 liða úrslitum.