Mjög vel heppnað Íslandsmót – MYNDIR
Íslandsmót fatlaðra í boccia og borðtennis fór fram í Reykjanesbæ um helgina í umsjá Íþróttafélagsins Ness og Borðtennisfélags Reykjanesbæjar. Íþróttafélögin Akur og Eik á Akureyri sendu bæði keppendur á mótið sem þótti takast afar vel.
Kolbeinn Skagfjörð úr Akri varð í þriðja sæti 1. deildar í boccia, þá varð hann annar í einstaklingskeppni í borðtennis í sitjandi flokki og í þriðja sæti í tvíliðaleik.
Helga Helgadóttir úr Eik sigraði í 2. deild í boccia og Oddur Andri Hrafnsson úr Akri sigraði í 5. deild í boccia.
Smellið hér til að sjá öll úrslit í öllum flokkum bocciakeppninnar á vef Íþróttasambands fatlaðra.
Þorgeir Baldursson var á staðnum með myndavélina og sendi Akureyri.net nokkrar myndir.
Glæsileg tilþrif! Baldvin Steinn Torfason úr Eik í bocciakeppninni.
Helga Helgadóttir úr Eik í bocciakeppninni.
Helga Helgadóttir úr Eik með gullverðlaunin eftir sigur í 2. deild í boccia.
Jón Heiðar Jónsson formaður Íþróttafélagsins Akurs.
Oddur Andri Hrafnsson úr Akri, annar frá hægri, sem sigraði í 5. deild í boccia. Lengst til vinstri er Petrína Sigurðardóttir, formaður Íþróttafélagsins Ness sem hélt mótið, við hlið hennar Björn Harðarson ÍFR og lengst til hægri Konráð Ólafur Eysteinsson, Nesi.
Allir verðlaunahafar á mótinu ásamt forsvarsmönnum mótshaldara og Íþróttasambands fatlaðra.
Skemmtikrafturinn Sóli Hólm með Steinunni Maríu og Nönnu Kristínu á lokahófinu í Hljómahöllinni.
Fjölmennt lokahóf mótsins fór fram í Hljómahöllinni.