Meistararnir höfðu betur gegn Þórsurum
Þórsarar biðu lægri hlut fyrir Íslandsmeisturum Fram í handknattleik á heimavelli meistaranna í 2. umferð Íslandsmótsins gær. Úrslitin urðu 36:27 eftir að Þórsarar höfðu eins marks forystu í hálfleik, 16:15.
Fyrri hálfleikur var jafn og spennandi, Framarar byrjuðu ögn betur en Þórsarar – skynsamir í sóknarleiknum og baráttuglaðir í vörn – náðu frumkvæðinu og náðu að halda meisturunum í skefjum.
Annað var upp á teningnum í seinni hálfleik. Framarar náðu þá að auka hraðann, komust fljótlega yfir og munurinn jókst jafnt og þétt áður en yfir lauk.
Mörk Þórs: Hákon Ingi Halldórsson 7, Hafþór Már Vignisson 6, Igor Chiseliov 5, Brynjar Hólm Grétarsson 3, Aron Hólm Kristjánsson 2, Oddur Gretarsson 2, Sigurður Ringsted Sigurðsson 2.
Varin skot: Nikola Radovanovic 7 (22,6%), Patrekur Guðni Þorbergsson 1 (9,2%).
Mörk Fram: Dánjal Ragnarsson 7, Ívar Logi Styrmisson 6 (2 vísi), Rúnar Kárason 5, Eiður Rafn Valsson 4, Kjartan Þór Júlíusson 2, Theodór Sigurðsson 2, Dagur Fannar Möller 2, Lúðvík Thorberg B Arnkelsson 2, Erlendur Guðmundsson 2, Marel Baldvinsson 2, Max Emil Stenlund 1.
Varin skot: Breki Hrafn Árnason 11, þar af 1 víti (37,9%).
