Margrét frá keppni næstu tvo mánuði

Margrét Árnadóttir, framherji fótboltaliðs Þórs/KA, meiddist í æfingaleik á fimmtudaginn og er óttast að hún verði frá keppni í tvo mánuði, jafnvel tvo og hálfan. Fari svo missir Margrét af upphafi Íslandsmótsins því fyrsti leikur Þórs/KA er gegn ÍBV í Eyjum 4. maí. Sprunga kom í ökkla Margrétar, hún þarf að hvíla sig alveg í nokkrar vikur á meðan beinið grær, og má ekki hefja æfingar af krafti aftur fyrr en dágóðum tíma eftir það.