Fara í efni
Íþróttir

Lengjudeildin: Þórsarar mæta Aftureldingu í dag

Þórsarar fagna fyrsta marki tímabilsins í leiknum gegn Vestra um síðustu helgi. Ljósmynd: Skapti Hallgrímsson

Þórsarar sækja Aftureldingu heim í dag í annari umferð Lengjudeildar karla, næst efstu deild Íslandsmótsins í knattspyrnu.

Leikurinn fer þó ekki fram á Varmárvelli í Mosfellsbæ þar sem Afturelding leikur heimaleiki sína vanalega. Verið er að skipta um gervigras á vellinum og því verður leikið á Framvelli í Úlfarsárdal í staðin.

Bæði liðin unnu leiki sína í fyrstu umferð. Þórsarar unnu góðan 2:1 sigur á Vestra eins og fjallað var um HÉR en Mosfellingar unnu 3:a útisigur gegn Selfyssingum.

Þórsurum mistókst að sigra Aftureldingu í báðum leikjum liðanna á síðasta tímabili. Afturelding vann 4:1 sigur í leik liðanna í Mosfellsbæ í fyrra á meðan liðin gerðu markalaust jafntefli á Þórsvelli.

Leikurinn hefst 19:30 og verður sýndur í beinu streymi á YouTube síðu Lengjudeildarinnar sem nálgast má HÉR