Íþróttir
KA gegn Breiðabliki heima í undanúrslitum
07.06.2023 kl. 10:30
![](/static/news/lg/ka-grindavik-0g7a6823.jpg)
KA-menn fagna sigurmarki Jakobs Snæs Árnasonar í bikarleiknum gegn Grindvíkingum í gærkvöldi. Ljósmynd: Skapti Hallgrímsson
KA leikur á heimavelli gegn Íslandsmeisturum Breiðabliks í undanúrslitum bikarkeppni Knattspyrnusambandsins, Mjólkurbikarkeppninnar. KA vann Grindavík í gærkvöldi eins og Akureyri.net greindi frá – sjá hér og hér.
Í hálfleik viðureignar KR og Stjörnunnar, sem KR vann síðar í gærkvöldi, var dregið í undanúrslitum:
- KA - Breiðablik
- Víkingur - KR
Leikirnir fara báðir fram mánudagskvöldið 7. júlí
Þetta er í níunda skipti sem KA kemst í undanúrslit bikarkeppninnar og annað árið í röð. Liðið tapaði 2:1 fyrir FH í Hafnarfirði í undanúrslitunum í fyrra.