KA bikarmeistari í 3. flokki karla í fótbolta

KA varð bikarmeistari 3. flokks karla í knattspyrnu í gær. KA-strákarnir sigruðu lið Breiðabliks 3:2 í úrslitaleik sem fram fór á Greifavelli KA.

Stefan Bilic náði forystu fyrir Blikana strax á 7. mínútu en Árni Veigar Árnason jafnaði fyrir KA fimm mín. síðar. Mikael Breki Þórðarson kom KA yfir með marki í upphafi seinni hálfleiks, á 50. mín., og Arnór Daði Stefánsson breytti stöðunni í 3:1 á 54. mín. Gabríel Snær Hallsson gerði annað mark Breiðabliks á 62. mín. úr vítaspyrnu og þar við sat.