Íþróttir
Íslandsmeistararnir burstuðu lið KA/Þórs
16.09.2023 kl. 06:00
Arna Valgerður Erlingsdóttir þjálfari KA/Þórs og Þorvaldur Þorvaldsson aðstoðarþjálfari. Mynd af vef KA.
Íslandsmeistarar Vals tóku hið unga lið KA/Þórs í bakaríið í gærkvöldi þegar liðin mættust í Olísdeildinni, efstu deild Íslandsmótsins í handbolta.
Staðan í hálfleik í Origohöll Vals á Hlíðarenda var 18:11 og í leikslok munaði hvorki meira né minna en 19 mörkum; lokatölur 36:17.
KA/Þór hefur þar með tapað tveimur fyrstu leikjunum í deildinni.
Mörk KA/Þórs: Nathalia Soares Baliana 5, Telma Lísa Elmarsdóttir 3, Anna Þyrí Halldórsdóttir 3, Lydía Gunnþórsdóttir 2 (1 víti), Bergrós Ásta Guðmundsdóttir 2, Kristín B. Gunnarsdóttir 1, Hildur Magnea Valgeirsdóttir 1.
Varin skot: Matea Lonac 7 (1 víti) – 19,4%, Sif Hallgrímsdóttir 4 (1 víti) – 36,4%.
Smellið hér til að sjá leikskýrsluna.
