Íshokkílandsliðið á toppi 2. deildar B á HM
Íshokkílandslið karla er í góðri stöðu á toppi 2. deildar B á Heimsmeistaramótinu að loknum þremur umferðum. Liðið spilar lokaleiki sína í dag og á morgun. Eins og jafnan áður eru Akureyringar fjölmennir í landsliðshópnum og starfsliði.
Liðið hefur unnið þrjá fyrstu leiki sína og er í efsta sætinu með níu stig, næsta lið með átta. Ísland mætir Búlgaríu í dag kl. 13:30 að íslenskum tíma, en Búlgarir hafa tapað fyrstu þremur leikjum sínum. Unnar Hafberg Rúnarsson hefur skorað flest mörk Akureyringanna, fjögur. Hann skoraði þrennu í 6-5 sigri á landsliði Tævan, sem Alþjóða íshokkísambandið og Íshokkísamband Íslands rita gjarnan sem Kínverska Taipei. Þá hefur Jóhann Már Leifsson verið iðinn við stoðsendingarnar, samtals kominn með sex slíkar í fyrstu þremur leikjum liðsins.
Hér að neðan eru úrslit leikjanna ásamt mörkum, stoðsendingum og markvörslum leikmanna úr röðum SA, núverandi og fyrrverandi, í fyrstu þremur leikjum liðsins.
- Ísland - Tævan 6-5 (4-1, 0-2, 2-2)
Mörk/stoðsendingar: Unnar Hafberg Rúnarsson 3/0, Jóhann Már Leifsson 0/3, Atli Sveinsson 0/1 - Alex Máni Sveinsson 1/0.
Markvörslur: Helgi Ívarsson 26/31 (83,87%).
Leikskýrslan - Ísland - Nýja-Sjáland 6-2 (2-1, 3-0, 1-1)
Mörk/stoðsendingar: Unnar Hafberg Rúnarsson 1/0, Jóhann Már Leifsson 0/2 - Gunnar Arason 0/2, Ólafur Baldvin Björgvinsson 0/1.
Markvörslur: Róbert Steingrímsson 2/3 (66,67%) - Helgi Ívarsson 24/25 (96%).
Leikskýrslan - Ísland - Kyrgystan 6-3 (1-0, 2-1, 3-2)
Mörk/stoðsendingar: Ormur Jónsson 1/0, Jóhann Már Leifsson 0/1.
Markvörslur: Helgi Ívarsson 34/37 (91,89%).
