Fara í efni
Íþróttir

Handboltamenn komnir á kreik á ný

Hildur Lilja Jónsdóttir skorar fyrir KA/Þór í leiknum gegn ungmennaliði ÍBV í dag. Ljósmynd: Skapti Hallgrímsson.

Handboltamenn eru komnir á stjá á ný og í dag hófst Opna Norðlenska mótið, árlegt æfingamót karla og kvenna. 

Íslandsmeistararar KA/Þórs í kvennaflokki mættu ungmennaliði ÍBV í Höllinni síðdegis. Bestu leikmenn meistaranna léku fyrsta kortérið en ungar og efnilegar stelpur í liði KA/Þórs leystu þær svo af. KA/Þór vann mjög öruggan sigur eins og reiknað var með.

ÍBV og Fram léku í kvennaflokki í KA-heimilinu, þar mættust KA og Hörður í karlaflokki, og í kvöld mætast þar ungmennalið KA og Fram.

Leikir morgundagsins:

11.00 konur: ÍBV – KA/Þór í Höllinni 

12.00 karlar: KA – Fram í KA-heimilinu

13.30 karlar: KA U – Hörður í Höllinni

14.00 konur: KA/Þór – Fram í KA-heimilinu

Heimasíða KA

Leikir í KA-heimilinu eru sýndir beint í KA-sjónvarpinu. Smellið hér til að horfa.