Íþróttir
Hafdís hjólar 22 km á klukkutíma á Bjargi
10.12.2022 kl. 11:13
Hafdís Sigurðardóttir á hjólinu í gær, Inga Dís Sigurðardóttir og Anna Lilja Sævarsdóttir voru meðal þeirra sem hvöttu hana til dáða.
Hafdís Sigurðardóttir, hjólreiðakona ársins og Íslandsmeistari, hefur hjólað 22 km á hverjum klukkutíma síðan um miðjan dag í gær. Hún fer þó hvergi því Hafdís er á líkamsræktarstöðinni Bjargi og hyggst hjóla „eins lengi og líkaminn og andlega hliðin leyfir,“ eins og það er orðað í tilkynningu.
Fólki er velkomið að líta við, hvetja Hafdísi til dáða eða hjóla með henni. Hafdís segir þetta bæði persónulega áskorun og auk þess lið í að búa sig sem best undir komandi tíð á hjólinu.
UPPFÆRT – Um klukkan 11.30 var Hafdís búin að hjóla 455 km og hefur verið að í liðlega 21 klukkustund.
