Árni Bragi reyndist gömlum félögum erfiður

KA-menn töpuðu 29:25 fyrir liði Aftureldingar á heimavelli í kvöld í Olís deildinni, efstu deild Íslandsmótsins í handbolta. Árni Bragi Eyjólfsson, fyrrverandi leikmaður KA, reyndist gömlu félögunum erfiður og gerði 12 mörk.

Fyrri hálfleikurinn var lengst af í jafnvægi en eftir góðan endasprett gestanna var staðan 14:10 þeim í vil í hálfleik. KA-menn söxuðu á forskotið og náðu að jafna 10 mínútum fyrir leikslok, 22:22, en þá kom annar góður sprettur Mosfellinga sem réði úrslitum.

Einar Rafn Eiðsson var markahæstur KA-manna með átta mörk.

Smellið hér til að sjá alla tölfræðina