Íþróttir

Akureyringar með þrjá Íslandsmeistaratitla

Haraldur Ingólfsson - haraldur@akureyri.net 28.05.2025 kl. 17:30

Halldór Logi Valsson, glímukappi og margfaldur Íslandsmeistari (til vinstri), gekk nýlega til liðs við glímuklúbbinn Atlantic BJJ. Hann vann til tvennra verðlauna á Íslandsmótinu um helgina. Mynd: Michal Swierczynski

Keppendur frá akureyrska glímuklúbbnum Atlantic BJJ unnu þrjá Íslandsmeistaratitla í Brasilísku Jiu - Jitsu (BJJ) um helgina, tvo í fullorðinsflokki og einn í drengjaflokki. Að auki sópuðu félagar í Atlantic að sér fernum silfurverðlaunum og tvennum bronsverðlaunum á mótinu.

Verðlaunahafar frá Atlantic BJJ

Halldór Logi Valsson, margfaldur Íslandsmeistari, er nýgenginn til liðs við Atlantic BJJ. Hann varð Íslandsmeistari í +100 kg flokki (fjólublá, brún og svört belti) og vann silfurverðlaun í opnum flokki karla.
Hallgrímur Freyr Baldursson varð Íslandsmeistari í +100 kg flokki með blá belti
Tumi Briem varð Íslandsmeistari í -75 kg flokki, 16-17 ára, en hann var að
Kristína Marsibil Sigurðardóttir vann silfurverðlaun í -65 kg flokki kvenna, fjólublá, brún og svört belti
Halldór Ingi Skúlason vann silfurverðlaun í -100 kg flokki karla, fjólublá, brún og svört belti. Til gamans má geta þess að Halldór Ingi er Íslandsmeistari í íshokkí með liði Skautafélags Akureyrar og landsliðsmaður í íshokkí.
Unnar Þorgilsson vann silfurverðlaun í -91 kg flokki karla, blá belti
Samir Jónsson vann bronsverðlaun í opnum flokki unglinga, 14-17 ára drengja
Árni Hrafn Reykjalín Guðmundsson vann brons í +60 kg flokki, 12-13 ára drengja, en hann var að taka sín fyrstu skref í keppni í BJJ

Halldór Ingi Skúlason, til vinstri, vann til silfurverðlaunaí -100 kg flokki karla, fjólublá, brún og svört belti. Mynd: Michal Swierczynski

Tumi Briem í átökum á gólfinu. Tumi varð Íslandsmeistari í -75 kg flokki, 16-17 ára drengja. Mynd: Michal Swierczynski.

Íslandsmótið fór fram í húsakynnum júdódeildar Ármanns. Keppt var í NOGI, sem er glíma án galla. Keppendur voru 230 samanlagt í öllum flokkum, börn, unglingar og fullorðnir, þar af 11 keppendur frá Akureyri sem komu heim með níu verðlaun. Keppt er í mismunandi flokkum eftir þyngd og getustigi, en ungmennum er einnig skipt niður eftir aldri. Innan getuflokkanna er keppendum síðan skipt niður eftir þyngd.

Getuflokkarnir

Hvít belti - byrjendur
Blá belti - aðeins lengra komnir
Fjólublátt, brúnt svart - þeir færustu

Brasilískt Jiu- Jitsu er vinsæl bardagaíþrótt og fara vinsældir hennar vaxandi. Íþróttin hefur fest sig í sessi hér á landi og eru starfræktir klúbbar víða um land. Atlantic BJJ hóf starfsemi á Akureyri vorið 2020 og hefur iðkendum fjölgað verulega á fyrstu árunum, en klúbburinn býður upp á æfingar fyrir börn, unglinga og fullorðna, ásamt fjölda námskeiða fyrir vinnustaði og hóða, sem til dæmis tengjast sjálfsvörn. Upplýsingar um starfssemi Atlantic BJJ má finna á Instagram-síðu klúbbsins, @Atlanticbjj.

Til baka í yfirlit