Vaxandi norðanátt: opinn fundur í dag

Viðskiptaráð stendur í dag fyrir opnum fundi með fulltrúum atvinnulífs og stjórnvalda á Norðurlandi. Fundurinn fer fram í Messanum hjá Drift EA við Ráðhústorg og hefst kl. 16:30.

Fundurinn ber yfirskriftina „Vaxandi norðanátt – staða og horfur í atvinnulífi og efnahagsmálum“ þar sem farið verður yfir þróunina, áskoranir og þau tækifæri sem framundan eru.

Þátttakendur í pallborði eru:

• Ásta Fjeldsted, forstjóri Festi
• Ásthildur Sturludóttir, bæjarstjóri Akureyrarbæjar
• Páll Kristjánsson, framkvæmdastjóri Slippsins DNG

Björn Brynjúlfur Björnsson, framkvæmdastjóri Viðskiptaráðs, stýrir fundi og pallborði. Gunnar Úlfarsson, hagfræðingur Viðskiptaráðs, fer yfir horfur í atvinnulífi og efnahagsmálum.

Fundurinn er öllum opinn án endurgjalds á meðan húsrúm leyfir. „Við hvetjum Norðlendinga sérstaklega til að mæta og óskum eftir að fundargestir skrái sig fyrirfram,“ segir í tilkynningu frá Viðskiptaráði.

Nánari upplýsingar og skráning á vef Viðskiptaráðs – HÉR