Ungt framsóknarfólk stofnar nýtt félag

Fyrir skömmu var stofnað nýtt félag ungs framsóknarfólks á Norðurlandi eystra. Það ber nafnið Ung Framsókn NA og að því er segir í fréttatilkynningu verði með stofnun félagsins til sameiginlegur vettvangur ungs framsóknarfólks í kjördæminu. Sjónum sé beint að sveitarstjórnarkosningunum næsta vor og félagið muni standa fyrir ýmsum viðburðum í aðdraganda þeirra.

Fréttatilkynningin í heild:

Félagið Ung Framsókn NA var stofnað á kraftmiklum fundi síðastliðinn miðvikudag. Með stofnun félagsins verður til sameiginlegur vettvangur ungs Framsóknarfólks í Norðausturkjördæmi. Mikil tilhlökkun er í hópnum fyrir að láta að sér kveða og verður þar fyrsta stóra verkefnið sveitarstjórnarkosningar í vor. Félagið mun standa fyrir fjölbreyttum viðburðum víða um kjördæmið í aðdraganda þeirra.

Í stjórn félagsins sem kosin var á fundinum er að finna fólk með mikla reynslu úr félagsmálum í bland við nýliða. Sigurður Eyjólfur Sigurjónsson var kjörinn formaður, Ólöf Rún Pétursdóttir varaformaður og Steinar Óli Sigfússon ritari.

Aðalstjórn skipa þau:

Sigurður Eyjólfur Sigurjónsson, formaður (Akureyri)

Ólöf Rún Pétursdóttir, varaformaður (Akureyri)

Steinar Óli Sigfússon, ritari (Akureyri)

Bergvin Þórir Bernharðsson (Akureyri)

Elfa Sif Kristjánsdóttir (Fjallabyggð)

Elmar Ægir Eysteinsson (Norðurþing)

Jana Sól Ísleifsdóttir (Dalvíkurbyggð)

Skúli Bragi Geirdal (Akureyri)

Þuríður Lillý Sigurðardóttir (Fjarðabyggð)

Varastjórn skipa þeir:

Jón Kort Ólafsson (Fjallabyggð)

Sveinn Brimar Jónsson (Akureyri)

Áhugasöm sem vilja taka þátt í starfi félagsins eru hvött til að setja sig í samband við stjórnarfólk.