Fréttir
Undanúrslit karla á undan kvennaleikjunum
02.03.2022 kl. 14:31
Bikarmeistarar KA/Þórs fagna eftir sigur á Fram í úrslitaleiknum á síðasta ári. Ljósmynd: Alma Skaptadóttir.
Upprunalegri niðurröðun undanúrslita bikarkeppninnar í handbolta í næstu viku hefur verið breytt; karlaleikirnir verða á miðvikudegi og leikir kvennaliðanna á fimmtudegi. Kvennalandsliðið mætir Tyrkjum ytra í dag í undankeppni EM og aftur á Ásvöllum í Hafnarfirði sunnudaginn 6. mars og var breytingin ákveðin í gær í því skyni að gefa leikmönnum kvennalandsliðsins einn auka frídag eftir Tyrkjaleikina.
Undanúrslit karla - miðvikudag 9. mars
- 18.00 Þór/FH - Valur
- 20.15 Selfoss - KA
Undanúrslit kvenna - fimmtudag 10. mars
- 18.00 KA/Þór - Fram
- 20.15 ÍBV - Valur
Úrslitaleikur bikarkeppni kvenna hefst kl. 13.30 laugardaginn 12. mars og úrslitaleikur karla sama dag kl. 16.00.
- Síðasti leikur átta liða úrslita bikarkeppni karla fer fram í íþróttahöllinni á Akureyri í kvöld. Þórsarar taka þá á móti FH-ingum klukkan 19.00.
